މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮރޯނާ ވައިރަސް (ކޮވިޑް-19) ފެތުރުން ކުޑަކުރުމަށްޓަކައި ސަރުކާރުގެ އޮފީސްތައް ނުހުޅުވާ މުއްދަތަކީ ދިވެހިރާއްޖޭގެ ރަސްމީ ބަންދު ދުވަސްތަކެއް ކަމަށްނުވާތީ މިދުވަސް ތަކުގައިވެސް ޚިދުމަތް ދިނުމަށްޓަކައި މިކޯޓުގެ މަސައްކަތްތައް ތަރުތީބުކޮށް ކޮންމެ ހަފްތާއެއްގެވެސް ހޯމަ، އަންގާރަ އަދި ބުރާސްފަތި ދުވަހުގެ ހެނދުނު 09:00 އިން މެންދުރު 12:00 އަށް މިކޯޓު ހުޅުވިފައި ހުންނާނެއެވެ.

މިދުވަސްތަކުގައި ކޯޓުންދޭ ޚިދުމަތްތައް؛

• ކައިވެނި ކޮށްދިނުމާއި، ކުށުގެ ރެކޯޑު ސާފުކޮށްދިނުމާއި، މިނޫންވެސް ޝަރީޢަތާއި ގުޅުންނެތް ޚިދުމަތް،
• ބަންދާމެދު ގޮތެއް ނިންމުމަށްއެދި ހުށަހަޅާ މައްސަލަތަކާއި، އެކިއެކި ކަންކަމާއި ގުޅިގެން ކޯޓް އަމުރު ނެރެދިނުމަށް އެދި ހުށަހަޅާ މައްސަލަތައް،
• ކުޑަކުދިންގެ ޙައްޤުތަކާއި މަޞްލަޙަތުތަކާއި ގުޅިފައިވާ މައްސަލަތައް،
• ވަރިއާއިގުޅޭ މައްސަލަތައް،
• ގެވެށި އަނިޔާގެ މައްސަލަތައް،
• ޙަޟާނާތުގެ މައްސަލަތައް،
• ދަރިންގެ ޚަރަދުގެ މައްސަލަތައް،

އަދި، މަތީގައިވާ މައްސަލަތަކުގެ އިތުރުން، ޤާނޫނުތަކާއި ޤަވާއިދުތަކުގައި ވަކި މުއްދަތެއްގެ ތެރޭގައި ކޯޓަށް ހުށަހަޅަންޖެހޭ ކަމަށް ބުނާ މައްސަލަތަކާއި، މައްސަލައެއް ލަސްވެގެން ކޯޓުގެ ސަމާލުކަމަށް ގެނެވޭ މައްސަލަތަކާއި، މީހުންގެ މުދަލާއި ފަރުދީ ރައްކާތެރިކަމާއި ގުޅުންހުރި މައްސަލަތަކާއި، މިނޫންވެސް އަވަސް ނިޔާގެ ތަބީޢަތުގެ މައްސަލައެއްކަމަށް މެޖިސްޓްރޭޓަށް ފާހަގަކުރެވޭ މައްސަލަތައް ކުރިއަށް ގެންދެވޭނެއެވެ.

މީގެ އިތުރުން އީމެއިލް މެދުވެރިކޮށް ލިޔެކިޔުންތައް ހުށަހެޅޭނެ އިންތިޒާމް ހަމަޖެހިފައިވާކަމާއި، ކޯޓަށް ދައްކަންޖެހޭ ފައިސާ އޮންލައިންކޮށް ދެއްކޭނެ އިންތިޒާމްވަނީ ހަމަޖެހިފައެވެ. އަދި އޮންލައިންކޮށް ފައިސާ ދެއްކުމަށް ދަތިވާނަމަ އެފައިސާ ސީދާ ކޯޓަށް ދެއްކުމުގެ އިންތިޒާމްވެސް ހަމަޖެހިފައިވެއެވެ.

                  އަދި ދަންނަވަމެވެ. މިކޯޓުން ފޯރުކޮށްދޭ އެއްވެސް ޚިދުމަތަކާއި ގުޅޭގޮތުން މަޢުލޫމާތެއް ސާފުކުރައްވަން ބޭނުންވެއްޖެނަމަ އަދި ކޯޓް ނުހުޅުވާ ދުވަހެއްގައިވެސް ކޯޓުގެ ޚިދުމަތް ބޭނުންވާނަމަ، ތިރީގައިވާ ހޮޓްލައިންތަކަށް ގުޅުއްވައިގެން މަޢުލޫމާތު ސާފުކުރެއްވުން އެދެމެވެ.

• ޝަރީޢަތާއި، މައްސަލަތަކާއި ގުޅޭ ކަންކަން
• ލީގަލް އޮފިސަރ ރިޙުލާ އަޙްމަދު (ފޯން ނަންބަރު: 9664878)
• ފައިސާ އާއި ވަރި / ކާވެނި އަދި އިދާރީ އެހެނިހެން ކަންކަން
• އެޑްމިނިސްޓްރޭޓިވް އޮފިސަރ އޮފިސަރ ޙުސައިން ސާމިރު (ފޯނު ނަންބަރު 9933309 )
• އީމެއިލް އެޑްރެސް:
• r.dhuvaafaru@judiciary.gov.mv

ވީމާ، މިކަން ޢާންމުކޮށް އަންގާ އިޢުލާން ކުރީމެވެ.

ކޮވިޑް-19 އާ ގުޅިގެން ދަޢުލަތުގެ އިދާރާތައް ބަންދުކުރެއްވުމަށް ނިންމާފައިވާ މުއްދަތުގައި މިކޯޓުން ޚިދުމަތް ދިނުމަށް ހަމަޖެހިފައިވާ ގޮތް

                މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮރޯނާ ވައިރަސް (ކޮވިޑް-19) ފެތުރުން ހުއްޓުވުމަށްޓަކައި އަޅާ ޚާއްޞަ ފިޔަވަޅުތަކުގެ ތެރެއިން ދަޢުލަތުގެ އިދާރާތައް ބަންދުކޮށްފައި ހުންނަ ދުވަސްވަރު މިކޯޓުން ޢާއްމު ރައްޔިތުންނަށް ފޯރުކޮށްދޭ ޚިދުމަތް މެދުނުކެނޑި ކުރިއަށް ގެންދެވޭނެ އިންތިޒާމް ހަމަޖެއްސުމުގެ ގޮތުން މިކޯޓުން ޚިދުމަތް ހޯދަން ބޭނުންވާ ފަރާތްތަކަށް ފަސޭހަ ކުރުމުގެ ގޮތުން މިކޯޓަށް ހުށަހަޅަން ބޭނުންވާ ފޯމްތަކާއި، ސިޓީފަދަ އެންމެހާ ލިޔެކިޔުންތައް ތިރީގައި މިދަންނަވާ މެއިލަށް ފޮނުއްވުން އެދެމެވެ.

• r.dhuvaafaru@judiciary.gov.mv

                އަދި ދަންނަވަމެވެ. މިކޯޓުން ފޯރުކޮށްދޭ އެއްވެސް ޚިދުމަތަކާއި ގުޅޭގޮތުން މަޢުލޫމާތެއް ސާފުކުރައްވަން ބޭނުންވެއްޖެނަމަ ތިރީގައިވާ ހޮޓްލައިންތަކަށް ގުޅުއްވައިގެން މަޢުލޫމާތު ސާފުކުރެއްވުން އެދެމެވެ.

• ޝަރީޢަތާއި، މައްސަލަތަކާއި ގުޅޭ ކަންކަން
• ލީގަލް އޮފިސަރ ރިޙުލާ އަޙްމަދު (ފޯން ނަންބަރު: 9664878)
• 
  
• ފައިސާ އާއި ވަރި / ކާވެނި އަދި އިދާރީ އެހެނިހެން ކަންކަން
• އެޑްމިނިސްޓްރޭޓިވް އޮފިސަރ ޙުސައިން ސާމިރު (ފޯން ނަންބަރު: 9933309)

                ވީމާ، މިކަން ޢާންމުކޮށް އަންގާ އިޢުލާން ކުރީމެވެ.

23 ރަޖަބު 1441

18 މާރިޗް 2020

މިކޯޓުގެ ކޯޓް އޮފިސަރގެ މަޤާމަށް މުވައްޒަފަކު ބޭނުންވެގެން 04 ފެބުރުވަރީ 2020 ގައި ކުރެވުނު E8C-A/2020/1 ނަންބަރުގެ އިޢުލާނަށް އިސްލާހެއް ގެންނަންޖެހުމާއި ގުޅިގެން އެ އިޢުލާން ބާޠިލްކޮށްފީމެވެ. އަދި މިމަޤާމަށް މުވައްޒަފަކު ހޯދުމަށް އަލުން އިޢުލާނު ކުރެވޭނެ ވާހަކަ މަޢުލޫމާތަށްޓަކައި ދެންނެވީމެވެ.

           މިކޯޓްގެ ކޯޓްރޫމަގައި ޖަހާފައިވާ މުށިތައް ނަގާ މުށި ބަދަލުކޮށް ކާޕެޓް އެޅުމާއި، ސީލިންގް ނަގާ މިކޯޓުންދޭ ކުރެހުމަކާ އެއްގޮތަށް ސީލިންގް އަޅާ، ފާރުތަކުގެ ވަށައިގެން ލަކުޑި ބޯޑަރ އެޅުމާއި، ފާރުތަކުގައި ކުލަލުން 

އަދި ލައިޓް ހަރުކުރުމުގެ މަސައްކަތް ކޮށްދޭނެ ފަރާތެއް ހޯދުމަށް ބޭނުންވެއްޖެއެވެ.  

      ވީމާ، މިމަސައްކަތް އަމިއްލަ ތަކެތީގައި ކޮށްދިނުމަށް ޝައުޤުވެރިވެލައްވާ ފަރާތްތަކުން ތިރީގައި ދެންނެވިފައިވާ ގޮތުގެ މަތިން މިކޯޓަށް ވަޑައިގެން މަޢުލޫމާތު ސާފުކުރެއްވުމަށްފަހު އަންދާސީ ހިސާބު ހުށަހެޅުއްވުން އެދެމެވެ.

މަޢުލޫމާތު ސާފުކުރުން: 11 އޭޕްރީލް 2019 ދުވަހުގެ 13:30 

އަންދާސީ ހިސާބު ހުށަހެޅުން: 18 އޭޕްރީލް 2019 ދުވަހުގެ 13:30

މަޢުލޫމާތު ސާފުކުރެއްވުމަށާއި، އަންދާސީ ހިސާބު ހުށަހެޅުއްވުމަށް ބަދަލުގައި މީހަކު ފޮނުވާނަމަ އެކަން ބަޔާން ކުރައްވައި ސިޓީ ހުށަހަޅުއްވަން ވާނެއެވެ. މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކާއި މަޢުލޫމާތު 

ފުރިހަމަނުވާ ފަރާތްތަކުގެ އަންދާސީ ހިސާބު ބަލައިނުގަނެވޭނެއެވެ.  އިތުރު މަޢުލޫމާތު ސާފުކުރެއްވުމަށް މިކޯޓްގެ ނަމްބަރު 6580424 އަށް ގުޅުއްވުން އެދެމެވެ.

27 ރަޖަބު 1440

03 އޭޕްރީލް 2019

ނަންބަރު:A/E8C/2019/03

އިޢުލާން

އަންދާސީ ހިސާބު ބޭނުންވެއްޖެ؛

           މިކޯޓްގެ އިމާރާތުގެ ފުރާޅުން ފެންފައިބާ ތަންތަންބަލާ އެތަންތަން މަރާމާތުކުރުމާއި، ކޯޓްގެ އިމާރާތުގެ ބޭރާއި އެތެރޭގައި ހަރުކޮށްފައިވާ ހޯލްޑަރތަކާއި ބޮކިތައް ނަގާ އެތަންތަނުގައި ލެޑް ޕެނަލް ލައިޓް ހަރުކުރުމަށް ބޭނުންވެއްޖެއެވެ.

      ވީމާ، މިމަސައްކަތް އަމިއްލަ ތަކެތީގައި ކޮށްދިނުމަށް ޝައުޤުވެރިވެލައްވާ ފަރާތްތަކުން ތިރީގައި ދެންނެވިފައިވާ ގޮތުގެ މަތިން މިކޯޓަށް ވަޑައިގެން މަޢުލޫމާތު ސާފުކުރެއްވުމަށްފަހު އަންދާސީ ހިސާބު ހުށަހެޅުއްވުން އެދެމެވެ.

• މަޢުލޫމާތު ސާފުކުރުން: 28 މާރޗް 2019 ދުވަހުގެ 13:30 
• އަންދާސީ ހިސާބު ހުށަހެޅުން: 04 އޭޕްރީލް 2019 ދުވަހުގެ 13:30

މަޢުލޫމާތު ސާފުކުރެއްވުމަށާއި، އަންދާސީ ހިސާބު ހުށަހެޅުއްވުމަށް ބަދަލުގައި މީހަކު ފޮނުވާނަމަ އެކަން ބަޔާން ކުރައްވައި ސިޓީ ހުށަހަޅުއްވަން ވާނެއެވެ. މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކާއި މަޢުލޫމާތު ފުރިހަމަނުވާ ފަރާތްތަކުގެ އަންދާސީ ހިސާބު ބަލައިނުގަނެވޭނެއެވެ.  އިތުރު މަޢުލޫމާތު ސާފުކުރެއްވުމަށް މިކޯޓްގެ ނަމްބަރު 6580424 އަށް ގުޅުއްވުން އެދެމެވެ.

14 ރަޖަބު 1440

21 މާރޗް 2019

ތިރީގައި މިދަންނަވާ ތަކެއްޗަކީ ބާވެ ހަލާކުވެގެން ނީލަމުގައި ވިއްކުމަށް ހަމަޖެހިފައިވާ ތަކެއްޗެވެ. މިތަކެތި ނީލަމުގައި ވިއްކުމަށް ހަމަޖެހިފައިވަނީ 23 މާރޗް 2019 ވާ ހޮނިހިރު ދުވަހުގެ 14:15 ގައި މިކޯޓްގައެވެ.

ނީލަން ކިޔުމަށް ހަމަޖެހިފައިވަނީ ނީލަމުގައި ބައިވެރިވުމަށް ޙާޟިރުވާ މަދުވެގެން 3 މީހުންގެ ޙާޟިރުގައެވެ. މިތަކެތި ނީލަމުގައި ވިއްކާނެ އަގު ކަނޑައެޅިފައި ވީނަމަވެސް އެ އަގުގައި ނީލަން ކުރިއަށް ނުދާނަމަ، އަގު ބަދަލުކޮށްގެން ނީލަން ކުރިއަށް ގެންދެވޭނެކަން އާންމުކޮށް އަންގައި އިޢުލާންކުރީމެވެ.

10 ރަޖަބު 1440

17 މާރޗް 2019